Qazaqstan Respýblıka prezıdenti
Qasym-Jomart Kemeluly Toqaevqa
ÚNDEÝ

Prezıdenti Toqaev myrza!

«Qazaq eli» medıasy arqyly Mańǵystaý áýejaıyna áskerı qarýly kúshter kelip jatyr degen qorqynyshty aqparat jetti. Jergilikti halyq joldardy jaýyp tastapty.

Toqaev myrza, beıbit sherýge shyqqan azamattarǵa qarsy qarýly kúshteri paıdalanýǵa barmańyz! Burynǵy bıliktiń qatesin qaıtalamańyz! Qazaq tarıhynda qarabet bolyp qalýyńyz ábden múmkin. Azamattardyń talaby oryndy! Saýatsyz ekonomıkalyq saıasat júgizetin úkimetińiz joq.

Qazaqstan Respýblıkasynyń Qarýly kúshterine de aıtarym bar.

Sender – qazaqtyń jigitterisińder, tilimiz bir, dinimiz bir, jerimiz bir. Batystaǵy aǵaıyndarǵa qarsy oq atýshy bolmańdar, baýyrlaryńa qol kóterýge barmańdar! Ana retinde aıtamyn. Senderdiń de balalaryń, ini-baýyrlaryń bar, áke-shesheleriń, qart ata-ájeleriń bar. Betterine qalaı qaraısyńdar, «men is saparǵa baryp keldim, adam óltirdim, ur dedi – urdym, soq dedi – soqtym, buıryq oryndadym» deısińder me? Qantógiske barmańdar, ótinemin! Allanyń qarǵysy men halyqtyń qarǵysynan qutylǵan jan joq. Ony tarıhtan bilesizder.

Alla jazsa, bul bılik ketedi, sender qalasyńdar. Olar senderdi qazir qolshoqpar retinde paıdalanyp otyr. Jurttyń betine qalaı qaraısyńdar?! Qarýly kúshter, polısıa, Ulttyq gvardıada qyzmet etti degen tizimderge halyqtyń qoly jetpeıdi dep oılamańdar. Halyqtyń soty bolady. Azamattyq qoǵamynda kúni búgin halqyna azap kórsetken sýdıalar, prokýrorlar, polıseılerdiń, áskerı qyzmetkerlerdiń tizimi joq emes – bar. Ol tizim kún saıyn tolyǵýda.

2011 jyly Jańa Ózeń oqıǵasy boıynsha kóp jýrnalıstik tergeý ótti, azamattarǵa jazyqsyz oq atqandar, sottaǵandar, zorlyq zombylyq kórsetken laýazymdy adamdardyń tizimi men dálelderi de bar. Halyq sotymen sottaımyz! Dúnıe kezek!

Botagóz ISA,
«Dongelek Ystel» Azamattyq Qoǵam Koalısıanyń úılestirýshi