Atyraý oblysyndaǵy Teńiz munaı-gaz kenishinde jumysshylar Mańǵystaý oblysyndaǵy narazylyq aksıasyna shyqqandardy qoldap, ereýilge shyqqany habarlandy.

Áleýmettik jelilerdegi vıdeodan munaı-gaz óndiretin kompanıa aýmaǵynda júzdegen er adamnyń arnaıy jumys kıiminde bir baǵytqa qaraı qozǵalyp bara jatqanyn kórýge bolady.

"Teńiz ereýilde! Biz Mańǵystaýdy qoldaımyz!" – dep urandatyp jatyr narazylyq bildirýshiler.

Mańǵystaý oblysy Jańaózen, Aqtaý qalalarynda avtomobılge arnalǵan suıytylǵan gazdyń qymbattaýyna baılanysty turǵyndar 3 kún qatarynan narazylyqqa shyǵyp jatyr.

Úkimet gaz baǵasyn kásipkerler esebinen 120 teńgeden 85-90 teńgege deıin túsirýge ázir ekenin málim etti. Alaıda turǵyndar gaz baǵasy burynǵydaı 50 teńge kelgenin qalaıdy.

Mıtıńte "úkimet otstavkaǵa ketsin" degen talaptar da aıtylyp jatyr.