Almatyda "Demokratıalyq partıa" bastamashyl tobynyń jetekshisi Janbolat Mamaıdy soqqyǵa jyǵylǵany habarlandy. Bul týraly belsendiniń jubaıy Inga Imanbaı men advokaty Janar Balǵabaeva facebook-tegi paraqshasynda málimdedi.

Advokatynyń aıtýynsha, Mamaı uıymdastyrǵan narazylyq aksıasy «Almaty Arena» sport kesheniniń mańynda ótip, oǵan birneshe myń adam qatysqan. Sherýshiler gaz ben azyq-túlik baǵasynyń ósýine qarsylyq bildirgen. Mamaıdy keıbir derekter boıynsha Naýryzbaı aýdandyq polısıa bólimine alyp ketken. Alaıda  Balǵıbaevanyń aıtýynsha, belsendi ol jerde bolmaǵan.  Belsendi qazir Áýezov aýdandyq polısıa bólimine jetkizilgen bolyp shyqty.

Janbolat Mamaıdyń áıeli Inga Imanbaı Azattyq radıosyna polısıanyń kúıeýin qaıda qamaǵanyn aıtpaı otyrǵanyn, onyń densaýlyǵyna alańdaıtynyn jetkizdi. 

– Men jáne Janbolat Mamaı Áýezov aýdandyq bólimshesindemiz. Janbolatty kádimgedeı urǵan. Kózi kógergen. Bir jigittiń basynan qan toqtamaı jatyr. Barlyqtarymyzdiń ústi-basymyz kir topraq, – dedi belsendi Asqat Demokrat Facebook paraqshasynda.

Eske salaıyq, búgin Qazaqstan premer-mınıstriniń orynbasary Eraly Toǵjanov Aqtaýda alańǵa jınalǵan halyqqa komısıanyń sheshimin jarıalady. Ol gaz baǵasy lıtrine 50 teńgege deıin tómendeıtinin málimdedi. Bul "QazMunaıGaz" UK AQ áleýmettik jaýapkershiligi aıasynda júzege asyrylady.

Sondaı-aq alańda bolǵan adamdardy jaýapkershilikke tartpaý týraly kepildik berildi.

Taraptar týyndaıtyn barlyq máseleni syndarly dıalog arqyly jáne qoldanystaǵy zańnama sheńberinde sheshýge ýaǵdalasqany habarlandy.

Alaıda halyq narazylyǵy basylar emes. Jańaózen, Aqtaý, Atyraý, Aqtóbe sekildi iri narazylyq oshaqtaryna endi Almaty qosyldy. Qazirgi ýaqytta myńdaǵan adam Almaty-Arena sport kesheni mańyna jınalyp, úkimet pen qaýipsizdik keńesiniń tóraǵasy  Nursgltan Nazarbaevtyń otstavkasyn talap etip tur.

5 qańtar Q.Toqaev eldegi áleýmettik-ekonomıkalyq máselege qatysty jıyn ótkizedi.