Jańaózende suıytylǵan gaz qunynyń qymbattaýyna baılanysty bastalǵan halyq narazylyǵyna Almaty turǵyndary da qosyldy.

4 qańtar keshke qaraı Almaty Arena sport kesheni mańynda birneshe myń adam jınalyp, birtindep ortalyq alańǵa qaraı jyljydy. Narazy topqa jolaı adamdar qosylyp alańdaǵy adam sany birneshe esege artty. Osy kezde qala boıynsha ınternet baılanysy úzilip, birneshe saǵattan keıin 5 qańtarǵa qaraǵan túngi birlerden keıin qosyldy.

Osy aralyqta sherýletken top Almatynyń ortalyq alańyna jetip úlgerdi. Keı beıresmı derekterde olardyń sany 40 myńnan asqany aıtylady.

Tártip saqshylary narazylyq bildirýshilerge qarsy jaryq-dybys granatalaryn qoldandy.

Qala ákimdiginiń ǵımaratyn polısıa men arnaıy jasaq qorshaýǵa alǵan.

Keıbir málimetterge qaraǵanda, Almatydaǵy Respýblıka alańynda birneshe polısıa kóligi órtengen. Qala ortalyǵynda granatalardyń dybysy estiledi.

Málimetter naqtylanýda.

Buǵan deıin prezıdent Qasym-Jomart Toqaev úndeý jasap, azamattardy arandatýshylyqqa boı aldyrmaýdy suraǵan bolatyn.