Qazaqstan Respýblıkasy premer-mınıstri mindetin ýaqytsha atqarý Álıhan Smaıylovqa júkteldi.

Úkimet músheleri úkimettiń jańa quramy bekitilgenge deıin óz mindetterin atqarýdy jalǵastyra beredi.

2 qańtarda Jańaózende gaz qymbatshylyǵynan bastalǵan halyq tolqýy respýblıkanyń kóptegen óńirlerin jappaı sharpyp, keshe keshke Almaty halqy narazylyqqa shyqqan. Áleýmettik máseleden týǵan halyq narazylyǵy birtindep saıasılana túsip, úkimet pen N.Nazarbaev otstavkasy týraly talaptar qoıyldy.

Almatyda alań men kóshege shyqqan ondaǵan myń adam arasynda tártipsizdikke barǵandar, polısıa kólikterin órtep, ǵımarattardy qıratqandar da boldy. Polısıa adamdardy alańnan qaıtarý úshin kózden jas aǵyzatyn, daýsy qatty shyǵatyn,  ıisi ókpeni qabatyn granatalar qoldandy. Azamattar men polısıa qaqtyǵysynan jaralanǵandar bar.

Q.Toqaev Mańǵystaý oblysy men Almaty qalasynda eki aptaǵa tótenshe jaǵdaı jarıalady. Kóptegen shekteý engizildi.

Qazaqstanda 2021 jylǵy jappaı qymbatshylyq saldarynan halyq turmysy qatty tómendep ketti. Eldiń ár aımaǵynda, áleýmettik jelide dúrkin-dúrkin úkimet otstavkasy týraly qozǵalǵan áńgimeler, Toqaevtan Mamın úkimetin taratý týraly belsendiler talaby bılik tarapynan eskerilmeı keldi.