Batys elderi Toqaevtiń "eskertýsiz atý" týraly buıryǵyn synǵa aldy. Qazaqstanda alǵashynda beıbit sherýmen bastalyp, sońy zorlyq-zombylyqqa ulasqan kúrdeli jaǵdaı týraly Batys elderiniń basylymdary jarysa jazdy.

BBC prezıdent Qasym-Jomart Toqaed Almatyǵa 20 myń terrorıst shabýyl jasaǵanyn málimdegenin, búlikshiler Almatyny basyp alýǵa árekettengenin jáne qaladaǵy polısıa beketterin baqylaýǵa alýǵa tyrysqanyn jazdy. Qazaqstan qaýipsizdik kúshteri olardyń kózin joıǵanyn habarlaǵan.

Brıtanıalyq The Guardian gazetiniń aqparatynsha, Fransıa "Eýropanyń syrtqy ister mınıstrleri osy aptada Qazaqstandaǵy jaǵdaıǵa jaýap retinde yqtımal sharalardy qarastyrady" dep málimdegen. Fransıanyń Eýropa isteri mınıstri Klement Bon CNEWS-ke bergen suhbatynda "[Qazaqstan bıligi] Eýropa qabyldaı alatyn sharalardy talqylaýy kerek: halyqtyń, narazylyq bildirýshilerdiń, kótirilisshilerdiń ómir súrý qunyn tárki etip, basyp tastaı almaısyz" dedi.

AQSH Memlekettik hatshysy Entonı Blınken jeksenbi kúni Qazaqstan prezıdentiniń nusqaýyn synǵa aldy. "Atyp óltirý tártibi, ol qanshalyqty bolsa da durys emes jáne sheshim joıylýy kerek. Biz jarıalanǵan tótenshe jaǵdaıǵa alańdaımyz" dep suhbat bergen ol ABC News telearnasyna.

Onyń aıtýynsha, AQSH Qazaqstan prezıdentinen nelikten reseılik áskerlerdiń qatysýyn suraǵanyn túsindirýdi de surap otyr.

Ótkenjuma kúni Toqaev qatań úndeý jarıalap, Almatyǵa 20 000 "bandıtter men lańkester" toby shabýyl jasaǵanyn málimdep, quqyq qorǵaý organdaryna eskertýsiz atýǵa buıryq bergen.