Densaýlyq saqtaý mınıstrligi 11 qańtar kúngi epıdemıologıalyq jaǵdaı týraly aqparatty jarıalady.

Mınıstrlik málimetinshe, ótken táýlikte PTR test arqyly 4810 adamnan koronavırýs, 79 adamnan pnevmonıa anyqtalǵan. 10 qańtarda 2 adam koronavırýstan kóz jumǵan.

12 qańtardaǵy málimet boıynsha, 27 423 adam koronavırýs ınfeksıasynan emdelýde, olardyń ishinde 3 409 pasıent stasıonarda, 24 014 naýqas ambýlatorıalyq deńgeıde em qabyldaýda.

İndetke shaldyqqandar arasynda 187 adamnyń jaǵdaıy aýyr, 59 pasıenttiń jaǵdaıy óte aýyr, 41 naýqas ÓJJ apparatynda jatyr.

Qazaqstan óńirlerindegi epıdemıologıalyq ahýaldy baǵalaý matrısasyna sáıkes, Nur-Sultan, Almaty, Shymkent qalalary, Atyraý oblysy "Qyzyl" aımaqta.

Aqtóbe, Batys Qazaqstan, Pavlodar Qyzylorda, Qaraǵandy, Mańǵystaý oblystary "Sary" aımaqta.

"Jasyl" aımaqta: Aqmola,Almaty, Túrkistan, Jambyl, Qostanaı, Soltústik Qazaqstan oblysy, Shyǵys Qazaqstan oblystary.

12 qańtardaǵy málimet boıynsha 9 026 131 adam vaksınanyń I komponentin, 8 568 324 adam II komponentin saldyrǵan.