Almaty qalasy bas sanıtar dárigeriniń mindetin atqarýshy Sádýaqas Baıǵabylov qalada karantın sharalary kúsheıtiletinin málimdedi.
Bas sanıtar dárigerdiń aıtýynsha, jańa jyl bastalǵaly koronavırýs juqtyrǵandar sany kún saıyn artqan. Naýqastar sanynyń artýyna koronavırýstyń "Omıkron" shtammy áser etken.
– Almaty qalasynda shekteý sharalary 5 kún ishinde, tipti oǵan deıin qatańdatylady. Árıne, bul Almaty qalasynda bolǵan oqıǵalar kezinde kásipkerler men qala turǵyndary úshin qıyn bolady. Biraq vaksına saldyrmaı jatqandarǵa ınfeksıa juǵyp jatyr. Koronavırýs joq bolyp ketpedi, – dedi S. Baıǵabylov.
Qazir Nur-Sultan, Almaty, Shymkent qalalary jáne Atyraý oblysy "Qyzyl" aımaqta tur.
Pikir qaldyrý