Indýstrıa jáne ınfraqurylymdyq damý mınıstrligi Almaty áýejaıy 13 qańtardan bastap jumysyn qaıta bastaıtynyn habarlady.

Áýejaı basshylyǵynyń aqparaty boıynsha áýe kompanıalarynyń ushý kestesine sáıkes ishki jáne halyqaralyq reıster saǵat 8.00-den 21.00-ge deıin oryndalady. 

Mınıstrlik  "QTJ" UK" AQ Nur-Sultan qalasy ákimdigimen birlesip, elordalyq vokzaldarǵa arnaıy avtobýstarmen týrıser transferin uıymdastyratynyn málim etti. Vokzaldardaǵy bılet kasalary táýlik boıy jumys isteıdi.

Ýákiletti organ týrıserdiń kelýi týraly aqparatty usynýyna qaraı Nur-Sultannan jolaýshylardy jóneltýdi uıymdastyratyn bolady.

Qazirgi ýaqytta barlyq jolaýshylar poıyzdary keste boıynsha jáne Qazaqstannyń barlyq baǵyttaryna júredi. Barlyq poıyzdarǵa t/j bıletteri bar. Mınıstrlik dereginshe, Nur-Sultannan shyǵatyn poıyzdarǵa jol júrý qujattarynyń (bıletterdiń) tapshylyǵy joq.

Bıletter týraly tolyǵyraq aqparatty BILET.RAILWAYS.KZ saıtynan jáne Kaspi.kz mobıldik qosymshasynyń "QTJ bıletteri" bólimshesinen bilýge bolady.