Densaýlyq saqtaý mınıstrligi 15 qańtar kúngi epıdemıologıalyq jaǵdaı týraly aqparatty jarıalady.

Mınıstrlik málimetinshe, ótken táýlikte PTR test arqyly 13 523 adamnan koronavırýs, 85 adamnan pnevmonıa anyqtalǵan. 14 qańtarda 5 adam koronavırýstan, 2 adam pnevmonıadan kóz jumǵan.

16 qańtardaǵy málimet boıynsha, 67 700 adam koronavırýs ınfeksıasynan emdelýde, olardyń ishinde 6 186 pasıent stasıonarda, 61 514 naýqas ambýlatorıalyq deńgeıde em qabyldaýda.

İndetke shaldyqqandar arasynda 253 adamnyń jaǵdaıy aýyr, 78 pasıenttiń jaǵdaıy óte aýyr, 44 naýqas ÓJJ apparatynda jatyr.

Qazaqstan óńirlerindegi epıdemıologıalyq ahýaldy baǵalaý matrısasyna sáıkes, Nur-Sultan, Almaty, Shymkent qalalary, Atyraý, Almaty, Aqtóbe Aqmola, Batys Qazaqstan, Jambyl, Mańǵystaý, Qaraǵandy, Qyzylorda, Qostanaı, Pavlodar oblystary "Qyzyl" aımaqta.

Shyǵys Qazaqstan, Túrkistan, Soltústik Qazaqstan oblystary "Sary" aımaqta.

16 qańtardaǵy málimet boıynsha 9 059 198 adam vaksınanyń I komponentin, 8 616 985 adam II komponentin saldyrǵan.

2022 jylǵy 16 qańtardaǵy málimet boıynsha Qazaqstanda PFIZER vaksınasynyń I komponentin – 436 344 adam, II komponentin 224 074 adam saldyrǵan.