"QazTransOıl" AQ bas dırektorynyń mindetin ýaqytsha atqarýshy, basqarma tóraǵasy bolyp Sábıt Arynov taǵaıyndaldy. Aqparat Qazaqstan qor bırjasynyń saıtynda habarlandy.
"QazTransOıl" AQ Bas dırektorynyń (Basqarma tóraǵasynyń) mindetterin ýaqytsha atqarý "QazTransOıl" AQ Bas dırektorynyń orynbasary, Basqarma múshesi Sábıt Ábildaıuly Arynovqa júktelsin" delingen habarlamada.
Sábıt Arynov "QazTransOıl" basshysynyń orynbasary laýazymyna 2018 jyldyń aqpan aıynda taǵaıyndalǵan.
Buǵan deıin "QazTransOıl" AQ basqarma tóraǵasy Dımash Dosanov qyzmetinen ketken. Ol Nursultan Nazarbaevtyń kishi qyzy Álıa Nazarbaevanyń kúıeýi. Dosanovpen qatar Darıǵa Nazarbaevanyń kúıeýi Qaırat Sháripbaev ta qyzmetterinen bosatylǵan.
Pikir qaldyrý