Turaqty áskerı kúshterdiń sany jóninen Qazaqstan álemde 166 eldiń ishinde 70-orynda ornalasqan. Mundaı derekterdi Energyprom.kz saıty jarıalady.
Reıtıńke saı, Qazaqstanda 39 myń turaqty ásker bar. Budan bólek áskerı qurylymdarda qarýly kúshterge kirmeıtin 31,5 myń adam qyzmet etedi.
Jalpy jıyntyǵy elde 70,5 myń áskerı bar. 10 myń turǵynǵa shaqqanda 30 áskerıden aınalady.
Reıtıńtte 2 mln 185 myń turaqty áskeri bar Qytaı kósh bastap tur.
Ekinshi orynda 1 mln 455 myń 550 áskeri bar Úndistan, úshinshi orynda 1 mln 388 myń 100 áskeri bar AQSH ornalasqan.
Munan keıin Soltústik Koreıa (1 mln 280 myń) men Reseı (1 mln 14 myń) jaıǵasqan.
Kórshiles elder ishinde Ýkraınada 209 myń, Ázirbaıjanda 126 myń 950, Ózbekstanda 48 myń, Belarýste 45 myń 350, Armenıada 44 myń 800 ásker bar. Qyrǵyzstan turaqty áskeriniń sany – 10 myń 900.
Áskerı saladaǵy ortasha jalaqy 206 myń teńge. Eń joǵary ortasha jalaqy elordada tirkelgen – 331,8 myń teńge. Eń tómengi ortasha jalaqy Shyǵys Qazaqstan oblysynda – 177,4 myń teńge.
Pikir qaldyrý