Densaýlyq saqtaý mınıstrligi 20 qańtar kúngi epıdemıologıalyq jaǵdaı týraly aqparatty jarıalady.

Mınıstrlik málimetinshe, ótken táýlikte PTR test arqyly 16 284 adamnan koronavırýs, 157 adamnan pnevmonıa anyqtalǵan. 19 qańtarda 6 adam koronavırýstan, 1 adam pnevmonıadan kóz jumǵan.

21 qańtardaǵy málimet boıynsha, 124 744 adam koronavırýs ınfeksıasynan emdelýde, olardyń ishinde 8 929 pasıent stasıonarda, 115 815 naýqas ambýlatorıalyq deńgeıde em qabyldaýda.

İndetke shaldyqqandar arasynda 396 adamnyń jaǵdaıy aýyr, 88 pasıenttiń jaǵdaıy óte aýyr, 57 naýqas ÓJJ apparatynda jatyr.

Qazaqstan óńirlerindegi epıdemıologıalyq ahýaldy baǵalaý matrısasyna sáıkes, Nur-Sultan, Almaty, Shymkent qalalary, Soltústik Qazaqstan, Shyǵys Qazaqstan, Atyraý, Almaty, Aqtóbe, Aqmola, Batys Qazaqstan, Jambyl, Mańǵystaý, Qaraǵandy, Qyzylorda, Qostanaı, Pavlodar oblystary "Qyzyl" aımaqta.

Túrkistan oblysy "Sary" aımaqta.

18 qańtardaǵy málimet boıynsha 9 104 772 adam vaksınanyń I komponentin, 8 667 645 adam II komponentin saldyrǵan.

2022 jylǵy 19 qańtardaǵy málimet boıynsha Qazaqstanda PFIZER vaksınasynyń I komponentin 526 512 adam, II komponentin 274 170 adam saldyrǵan.