BǴM mektepke deıingi jáne orta bilim komıteti tóraǵasynyń orynbasary Sapýra Tólekova 24 qańtardan keıingi oqý formatyna qatysty ózgerister týraly aıtty.

– Birinshiden balabaqshalar, mektepke deıingi mekemeler shtattyq rejımde, ata-ananyń ótinishi negizinde óz jumysyn qalypty jalǵastyra beredi. Eger mekteptegi oqýshylardyń jalpy sany 600-ge deıin bolsa shtattyq rejımde jumys isteıdi. Al, mekteptiń kontıngenti 600-den artyq bolsa 1 aýysymda mekteptiń jobalyq qýatynyń 50 paıyzyn qamtıtyn tolymdylyqpen shtattyq formatta oqı alady. Bul jerde basymdyq bastaýysh synyptarǵa beriledi (1-4synyptar). Óıtkeni bastaýysh synyp oqýshylaryna onlaın formattaǵy platformalardy qoldaný qıyndyq týǵyzady. Al, halyqaralyq mektepterde 1-6 synyptarǵa shtattyq rejımde oqýǵa basymdyq beriledi. Basqa synyptar tolymdylyǵyna oraı oqýdy jalǵastyrady, – dedi Sapýra Tólekova. 

5-11 synyp oqýshylaryna qatysty mektep ákimshilikterine ata-analardyń balalardy shtattyq formatta oqytýǵa, aýysymdar men kishi aýysymdardyń jumysyn uıymdastyrýǵa, keıbir pánder boıynsha oqytýdy qashyqtan oqytý formatyna aýystyrýǵa degen yntasyn eskerý usynylady.