Jańaózen turǵyndary prezıdent Qasym-Jomart Toqaevtan beıbit mıtıńke shyqqan azamattardy azaptaýdy toqtatýdy talap etti. Vıdeoúndeýdi Jańaózen qalasynyń "KEZBI" JSHS qyzmetkerleri joldady.
"Qazaqstanda bolǵan beıbit túrdegi narazylyq, demonstrasıasyna qatysqan qarapaıym halyqty kúshtik qurylymdar qýdalaýyn toqtatýyn talap etemiz. Eger de qýdalaý toqtamaǵan jaǵdaıda biz Qazaqstan Respýblıkasynyń zańnamalaryna súıene otyryp, beıbit sherýge shyǵatynymyzdy qaperińizge salamyz.
Sizdiń (prezıdent Qasym-Jomart Toqaev - red) aıtqan árbir joldaýyńyzdy mán berip tyńdap otyrmyz. Sol joldaýyńyz birinde tártip buzbaı, beıbit túrde narazylyq aksıasyna shyqqan azamattarǵa alǵysyńyzdy aıta otyryp, raqymshylyqpen qaraýǵa tapsyrma berdińiz. Alaıda kúshtik qurylymdar sizdiń tapsyrmańyzdy asyra paıdalanyp, qarapaıym adamdardy úıinen alyp ketip, ártúrli áreketter men jasamaǵan qylmystaryn jasady dep nıetti ekenin áleýmettik jeliden kórip jatyrmyz.
Sondyqtan QR garanty retinde QR azamattaryna qurylymdyq kúshterdiń qylmystyq jala jaýyp, qysym jasaýyn toqtatýyn talap etemiz. Halyq – terrorıst emes" delingen vıdeoúndeýde.
Alaıda Qazaqstannyń Syrtqy ister mınıstrligi Eýropalyq Parlamenttiń eldegi jaǵdaıǵa qatysty qabyldaǵan qararyna "birjaqty sıpatqa ıe, obektıvti emes tujyrymdarǵa negizdelgen" dep baǵa berdi.
Pikir qaldyrý