Opozısıalyq belsendi Ermek Narymbaı Qazaqstanǵa oralady. Bul týraly Altynaı Adılova atty facebook qoldanýshysy habarlady.

– Otanyma oralamyn. Men qaryzǵa aqsha alyp, avıabıletti brondap qoıdym. Jaqynda Almatyda bolamyn. Beıbit maqsatta kelissóz júrgizýge kele jatyrmyn. Balalarymdy 7 jyl kórmedim. Osy eki kúnniń aralyǵynda balalarymmen kezdesý múmkindigi bola ma bilmeımin. Olardy Kıevke shaqyrýǵa múmkindigim bolmady. Aqorda meniń Qazaqstanǵa óz erkimmen dıalog júrgizý úshin bara jatqanymdy túsinýi kerek. Bul qoǵamdy dúrliktiredi. Olar meni túrmege otyrǵyzsa da men uzaq otyrmaıtynyma senimdimin. Qazaqstanǵa barǵanda meni jýrnalıser, blogerler, kóptegen adamdar kútip alady. Sondyqtan jasyryn túrde meni qamaýǵa ala almaısyzdar. Uryp-soǵýǵa, azaptaýǵa tolyq daıynmyn, biraq mundaı bolmaıdy. Bul bılikke tıimdi emes, – dedi dedi Narymbaı.

Oppozısıoner túrmege túsip qalsa da únsiz qalmaıtynyn, advokatynan halyqqa jańalyqtaryn, ashyq hattaryn jiberip otyratynyn jetkizdi.

– Túrmede men barlyq oblystardaǵy jappaı azaptaý jaǵdaıyna tekseris júrgizemin. Túrmeniń joldary muny qamtamasyz etedi. Tipti jalǵyz kamerada otyrsam da muny iske asyramyn. Meniń jaǵdaıym ózge de saıası emıgranttar, oppozısıonerler, azamattyq qoǵam men bıliktiń repýtasıasy, Toqaev jaqtastarynyń pozısıasy úshin aıqyndaýshy faktor bolady. Osynyń nátıjesinde biz bılikti repressıamen saılaý máselesi boıynsha kelissóz ústeline otyrǵyza alatynymyzǵa senimdimin, – dedi belsendi.

Belgili oppozısıoner Ermek Narymbaı kóptegen qýǵyndaýdan keıin 2016 jyldyń 14 shildesinde Qazaqstannan ketýge májbúr bolǵan. Búginge deıin Ýkraınada turyp keldi.