Ánshi Seıt Saýataı 5 qańtarda beıbit mıtıńke shyǵyp, sol kúni keshke eki aıaǵynan jaraqattanyp №12 Almaty qalalyq aýrýhanaǵa túsken. Birneshe kún ótkenen keıin jaraqaty tolyq jazylmaǵanyna qaramastan, ony jaqyndaryna esh túsindirmesten polısıa belgisiz jaqqa alyp ketken.

Týystary surastyryp júrip 17 qańtarda Seıt Saýataı Almatydaǵy №18 tergeý ızolátorynda ekenin anyqtaǵan.

Memleket taǵaıyndaǵan advokatty da týystary izdep júrip zorǵa tapqanyn aıtady.

Advokat Seıt Saýataıǵa qylmystyq kodekstiń 272-baby 2-tarmaǵy (Sheteldik qarýly qaqtyǵystarǵa qatysý) boıynsha boıynsha aıyp taǵylyp, 2 aıǵa qamaýǵa alynǵanyn jetkizgen.

Ánshiniń jaqyndary "Seıt qazaq eliniń naǵyz janashyry, ánderiniń kóbisi patrıodtyq ánder. Buǵan deıin sotty bolmaǵan, buzaqylyqqa eshqandaı qatysy joq óner adamy retinde ózin kórsetip kele jatqan azamat. Osyndaı adal azamatymyzdyń, shyn talanttyń ómirine balta shabylmasa eken" dep otyr.