Densaýlyq saqtaý mınıstri Ajar Ǵınıat úkimet otyrysynda bıznes obektilerine "Ashyq" jobasyn odan ári engizý jalǵastyrylatynyn jáne birqatar shekteýler alynyp tastalǵanyn málimdedi.

–  "Jasyl" jáne "kók" statýsy bar kelýshilerdi kirgizetin barlyq aımaqta, barlyq nysanda jumys ýaqyty boıynsha shekteý alynyp tastaldy. Epıdemıologıalyq qaýip aımaǵyna qaramastan "Ashyq"-ta tek "jasyl" mártebesin paıdalaný kezinde saltanatty, eske alý, sport is-sharalary, kórmeler, forýmdar esh shekteýlersiz ótkiziledi. Sport keshenderi, saýyqtyrý jáne dinı obektiler, oıyn-saýyq nysandary, saýda-oıyn saýyq ortalyqtary men saýda jelileriniń qyzmetine shekteý qoıylmaıdy, – dedi A. Ǵınıat.

Mınıstrdiń sózinshe, epıdemıologıalyq qaýip aımaǵyna qaramastan "kók" mártebesi bar bolǵan kezde otelderge, qonaq úılerge, áýejaılarǵa, temirjol, avtovokzaldarǵa, halyqqa qyzmet kórsetý ortalyqtaryna, "Qazposhta" bólimshelerine, bankterge, asqana túrindegi qoǵamdyq tamaqtaný obektilerine, jabyq bazarlarǵa, bilim berý uıymdaryna, SPA-ortalyqtarǵa, sán salondaryna, oblysaralyq, oblysishilik, qalalyq tasymaldaýlarǵa shekteýsiz kirýge ruqsat etiledi.

– "Kók" statýsy bar adamdarǵa kirýge ruqsat berilgen birqatar obekt úshin "jasyl" aımaqta shekteýler alynyp tastaldy. "Sary" aımaqta 70 paıyzǵa deıin, "qyzyl" aımaqta 60 paıyzǵa deıin jáne meıramhanalar, mádenı obektiler, balalar men eresekter úshin saýda, jáne oıyn-saýyq oryndary boıynsha tolymdylyq ulǵaıtyldy, – dedi mınıstr.

Jaqyn baılanysta bolǵan jáne sımptomsyz naýqastar úshin karantın merzimin qysqartyldy.

– Sonymen, jaqyn baılanysta bolǵan jáne sımptomsyz naýqastar úshin karantın merzimi 14-ten 10 kúnge deıin qysqartyldy. Bul rette 7 táýlikten keıin PTR-zertteýdiń teris nátıjesi bolǵan kezde karantın aıaqtalady. Eger qandaı da bir sebeptermen 7 táýlikke arnalǵan PTR-test tapsyrylmasa, onda karantın testti qosymsha tapsyrýsyz 10-shy kúni aıaqtalady, – dep atap ótti Ajar Ǵınıat úkimettiń keńeıtilgen otyrysynda.