Densaýlyq saqtaý mınıstri Ajar Ǵınıat oqýshylardyń oqý formatyn túsindirdi. Bul týraly ol úkimet otyrysynda habarlady.

– Barlyq mektepke deıingi uıymdar, bastaýysh synyp jáne qýaty 600 oqýshyǵa deıingi mektep shtattyq formatta jumys jasaıdy. 600-den astam oqýshysy bar bilim berý uıymdarynda toltyrý 50 paıyzdan aspaýy kerek. Bastaýysh mektep oqýshylary shtattyq rejımde bilim alady. Bul rette oqytý formatyn tańdaý kezinde mindetti túrde vaksınalaýmen qamtý deńgeıi eskeriledi. Joǵary oqý oryndary men kolejderde de saralanǵan tásil engizilgen. Leksıalar onlaın, qalǵan sabaqtar ıkemdi keste boıynsha shtattyq rejımde ótedi, – dedi ol.

Mınıstr karantın sharalary oryndalmasa,ǵ oqý onlaın formatqa aýystyrylatynyn atap ótti.

– Oblystardyń, Almaty, Nur-Sultan jáne Shymkent qalalarynyń ákimdikteri oqýshylardyń arasynda syrqattanýshylyqtyń kúrt ósýine jol bermeý úshin bilim berý uıymdarynda sanıtarıalyq-epıdemıologıalyq talaptardyń saqtalýyn qamtamasyz etýi qajet, – dep málimdedi Ajar Ǵınıat.