Densaýlyq saqtaý vıse-mınıstri, Qazaqstannyń bas sanıtar dárigeri Erlan Qıasov qyzmetinen bosatyldy. Bul týraly premer-mınıstrdiń baspasóz qyzmeti málimdedi.

Vedomstvo málimetinshe, Qıasov Erlan Ańsaǵanuly bergen ótinishine sáıkes qyzmetinen ketken. 

E. Qıasov 2020 jyldyń qyrkúıeginde densaýlyq saqtaý vıse-mınıstri, Qazaqstannyń bas sanıtar dárigeri qyzmetine taǵaıyndalǵan.

Ol 1973 jyly Almaty oblysynda dúnıege kelgen. 

Qazaq memlekettik medısına ýnıversıtetin, Ortalyq Azıa ýnıversıtetin, Ál-Farabı atyndaǵy Qazaq ulttyq ýnıversıtetin, Turan-Astana ýnıversıtetin támámdaǵan. 

Eńbek jolyn 1990 jyly "Almaty qalasynyń Jedel medısınalyq járdem aýrýhanasy" reanımasıa jáne qarqyndy terapıa bólimshesiniń sanıtary bolyp bastady. 

1997-1999 jyldary Almaty qalasyndaǵy Áýe kóligindegi ortalyq sanıtarlyq-epıdemıologıalyq stansıasynyń sanıtarlyq dárigeri, dáriger-epıdemıology boldy.

1999 jyldan bastap 2020 jylǵa deıin Qazaqstan prezıdenti İs basqarmasynyń medısınalyq ortalyǵynyń qurylymynda, sanıtarlyq-epıdemıologıalyq stansıada jalpy gıgıena boıynsha sanıtarlyq dáriger, jedel bólim meńgerýshisi, sanıtarlyq-epıdemıologıalyq qadaǵalaý basqarmasynyń epıdemıologıalyq bóliminiń bastyǵy, "Sanıtarlyq-epıdemıologıalyq saraptama ortalyǵy" RMK dırektory, basshynyń orynbasary bolyp jumys istegen.