"Nur Otan" partıasy Saıası keńesi erteńgi sıeze qaralatyn máselelerdi bekitti. Bul týraly partıa tóraǵasynyń orynbasary Baýyrdan Baıbek habarlaǵan.

Saıası keńes qaýlysymen partıanyń kezekten tys XXI seziniń kún tártibinde tómendegideı máseleler qaralatyn bolyp bekitildi.

1. Partıa tóraǵasyn saılaý;
2. Jarǵyǵa ózgerister men tolyqtyrýlar engizý;
3. Saıası keńes quramyna ózgerister engizý;

Buǵan deıin 2022 jylǵy 28 qańtarda "Nur Otan" partıasynyń kezekten tys XXI sezi ótetini habarlanǵan. Quryltaı onlaın formatta ótedi.

2021 jylǵy 23 qarashada Nursultan Nazarbaev Nur Otan partıasynyń tóraǵasy ókilettigin Qasym-Jomart Toqaevqa tapsyratyny týraly málimdegen.

Sondaı-aq jýyrda Qańtar oqıǵasy kezinde prezıdent Q.Toqaevqa buryn eks-prezıdent N.Nazarbaevta bolyp kelgen Qaýipsizdik keńesiniń tóraǵalyǵy ótken.