Bilim jáne ǵylym vıse-mınıstri Qýanysh Erǵalıev Qazaqstanda alǵashqy onlaın-ýnıversıtetter ashylatynyn málimdedi. Bul týraly ol mınıstrliktiń otyrysynda aıtty.

– BǴM joǵary bilim berý júıesine oqytýdyń jańa quralyn engizýdi josparlap otyr. "Onlaın-oqý" bilim alýdyń jańa formatyna aınalady. Elimizde alǵashqy onlaın-ýnıversıtetter ashylady. Jalpy, joǵary oqý oryndarynda bilim alý úshin granttar sany 5 myńǵa artady, olardyń 60%-y tehnıkalyq mamandyqtar boıynsha bólinedi, – dedi vıse-mınıstr.

Sondaı-aq ol ǵylym salasyn turaqty qarjylandyrý jalǵasatynyn jáne ǵalymdarǵa ǵylymı ıdeıalaryn júzege asyrýǵa jańa múmkindikter usynylǵanyn atap ótti.

Aıtýynsha, 2000-nan astam ǵalymǵa alǵan granttaryna qaramastan turaqty túrde jalaqy tólenetin bolady.