Nur-Sultan qalasy Polısıa departamentiniń bastyǵy laýazymyna Marat Tólebaev taǵaıyndaldy. Bul týraly ishki ister mınıstrliginiń baspasóz qyzmeti málim etti.
Buǵan deıin osy qyzmetti Erjan Sadenov atqarǵan. Ol jaqynda QR prezıdentiniń ókimimen ishki ister mınıstriniń orynbasary bolyp taǵaıyndalǵan.
Marat Saǵyntaıuly Tólebaev 1969 jyly týǵan. İshki ister organdaryndaǵy qyzmetin Qostanaı oblysynda qylmystyq izdestirý jedel ýákili laýazymynan bastaǵan.
Ár jyldary elordada Polısıa departamentiniń bólimshelerinde basshylyq qyzmetterdi atqardy. Qostanaı oblysy jáne Nur-sultan qalasy Polısıa departamenti bastyǵynyń birinshi orynbasary bolyp jumys istedi. 2019 jyldan bastap Soltústik Qazaqstan oblysynyń Polısıa departamentin basqardy. Polısıa general-maıory arnaıy ataǵy bar.
Pikir qaldyrý