Almaty qalasy kásipkerlik jáne ınvestısıalar basqarmasy keı azyq-túlik taýarlarynyń baǵasyn retteý sharalary júrgizilip jatqanyn málimdedi.
Basqarma aqparatynsha, jeńildikpen nesıeleý baǵdarlamasy aıasynda baǵany rettep, 60 kúnge sábiz baǵasyn kelisine 161 teńge, kúnbaǵys maıynyń lıtrin 791 teńgeden belgileý máselesi qarastyrylyp jatyr.
Jeńildetilgen nesıe "Magným" (5,7 mlrd teńge), "Toımart" (430 mln teńge) jelilerine, jumyrtqa óndirýmen aınalysatyn "Alsad" (800 mln teńge), et satatyn "Asyl Et" (88 mln teńge) kompanıalaryna berilgen.
Osyǵan baılanysty saýda jelilerinde keı taýar túrlerine tómendegideı shekti baǵa belgilendi.
"Magnýmda" aı sońyna deıin:
- kartop – kılogrammy 119 teńge;
- sábiz – kılogrammy 128 teńge;
- pıaz – kılogrammy 86 teńge;
- qyryqqabat – kılogrammy 117 teńge.
30 sáýirge deıin "Toımartta":
- kartop – kılogrammy 199 teńge;
- pıaz – kılogrammy 89 teńge.
Budan bólek qalanyń Kók bazar, Jańa bulaq, Sary-Arqa, Tastaq, Taýsamaly, Almaty-1, Túrkisib jármeńkesi sekildi bazarlarynda áleýmettik sóreler ashylǵan. Ol jerde kartop, sábiz, pıaz, qyryqqabat, qant, qaraqumyq, kúnbaǵys maıy, kúrish, kespe, un tómendetilgen baǵamen satylady.
Sondaı-aq Juldyz, Orbıta, Taýsamaly, Arystan, Tastaq bazarlarynda et sóreleri istep tur. Ol jerlerde sıyrdyń tós jáne qol etteriniń kelisi 2050 teńgeden belgilengen.
"Almatynan" naýbaıhanasymen jasalǵan memorandým nátıjesinde bólke nan baǵasynyń bastapqy jiberiletin baǵasy 85 teńge kóleminde belgilense, sút ónimderin satatyn "JLC" dúkender jelisimen 130 saýda núktesindegi baǵany arzandatý týraly kelissóz júrgizilgen.
Pikir qaldyrý