Qazaqstannyń burynǵy prezıdenti Nursultan Nazarbaevtyń Nur Otan partıasynyń kezekten tys sezinde sóılegen sóziniń vıdeosy jarıalandy.

Nursultan Nazarbaev sıeziń tarıhı mánine toqtalyp, Qasym-Jomart Toqaevty Nur Otan partıasynyń tóraǵasy etip saılaý týraly usynysyn partıalastary qoldaıtynyna senim bildirgen.

– Keıingi bir jarym jyl ishinde partıa júıeli túrde qaıta jańǵyrdy. Ony tolyq basqarýdy qazirgi memleket basshysy Qasym-Jomart Kemeluly Toqaevqa tapsyrý bul prosestiń sońǵy kezeńi dep sanaımyn. Partıadan prezıdent saılaýyna usynylǵan jáne qoldaýyna ıe bolǵan adam ony basqarýǵa tıis. Búginde Qazaqstan prezıdentiniń basshylyǵymen mańyzdy áleýmettik-ekonomıkalyq jáne saıası reformalar júzege asýda. Barlyq qajetti resýrsy bar "Nur Otan" partıasy olardy oryndaý barysynda  senimdi tirek bolýy kerek, – dedi elbasy. 

Sıez sheshimimen qazirgi prezıdent Qasym-Jomart Toqaev Nur Otan partıasynyń tóraǵasy bolyp saılanǵan.

19 qańtarda májilis Nursultan Nazarbaevtyń qaýipsizdik keńesi men Qazaqstan halqy assambleıasyna ómir boıy tóraǵalyq etý quqyǵynyń kúshin joıatyn konstıtýsıalyq zańdarǵa túzetý engizgen. 

27 qańtarda senat depýtattary  zań jobasyn qarap, prezıdent memlekettik bastamalardy elbasymen kelisýi qajet degen normalardyń kúshin joıýdy usynyp, májiliske jibergen.