Ýkraına prezıdenti Vladımır Zelenskıı batys elderin úreılenbeýge shaqyrdy.  Ol jýrnalıserge jaqyn arada Reseıdiń Kıevke shabýyl jasaýy týraly eskertýler Ýkraına ekonomıkasyna qaýip tóndiretinin aıtty.

AQSH prezıdenti Djo Baıden Reseıdiń kelesi aıda Ýkraınaǵa shabýyl jasaý "múmkindigi anyq" ekenin aıtqan. 

Alaıda Máskeý shabýyldy josparlap otyrǵanyn joqqa shyǵarady jáne juma kúni Reseı syrtqy ister mınıstri "Máskeý soǵysty qalamaıdy" dep málimdedi.

Reseıdiń Ýkraına shekarasynda 100 000-ǵa jýyq áskeri bolsa da, Zelenskıı byltyr kóktemde dál osyndaı orys áskeri jınalǵan kezdegiden úlken qaýip kórmegenin aıtty.

"Tipti memleketterdiń qurmetti basshylary da sıgnal berip jatyr, olar erteń soǵys bolady deıdi. Bul dúrbeleń..." dedi ol Kıevte ótken baspasóz máslıhatynda.