Prezıdent Qasym-Jomart Toqaev "Habar 24" telearnasynyń jýrnalısi Vera Zaharchýkke bergen suhbatynda Qańtar oqıǵasy kezinde sherýge shyqqandardyń ishinde Almatyǵa shabýyl jasaǵan búlikshiler mıgrant retinde elge ushyp kelgenin jáne ne úshin eskertýsiz oq atýǵa buıryq bergenin aıtty.

– Bul adamdar materıaldyq qundylyqtarǵa qyzyqpaǵan. Olar ákimshilik ǵımarattarǵa jasalǵan shabýyldardy basqardy. Olar qylmystyq isterge, quqyq qorǵaý organdarynyń qyzmetkerlerine qatysty qujattarǵa qyzyǵýshylyq tanytty. Bul - muqıat josparlanǵan áreket. Syrttan kelgen sodyrlardy tarta otyryp, basqynshylyq áreket jasaldy.

Sodyrlar áýejaıdy basyp alý áreketin uıymdastyrǵanyn baıqaǵan bolarsyzdar. Qazir tergeý nátıjesi Ortalyq Azıanyń bir qalasynan kelgen azamattardyń áýejeı arqyly ótýin qamtamasyz etý úshin basyp alynǵanyn kórsetip otyr. Olar - oqytylǵan jaýyngerler. Jumysshy atyn jamylyp, shekara arqyly qalaǵa kirip, operasıany basqarǵan, – dedi Toqaev "Habar" telearnasyna bergen suhbatynda.

Prezıdent óziniń eskertýsiz oq atýǵa buıryq berýi týraly da túsindirip ótti.

– Quqyq qorǵaý organdary áreketiniń biryńǵaı algorıtmi bolmady. Basshylar jaýapkershilikti alýǵa qoryqty. Kópshilikke málimdeme jasamas buryn men qarýly qaraqshylarǵa eskertýsiz oq atý kerektigin aıttym. Jaýapkershilikti óz moınyma aldym, – dedi memleket basshysy.