Birikken Ulttar Uıymynyń málimetinshe, Iemendegi Hýsıt kóterilisshileri ásker qataryna alǵan 1500-ge jýyq bala 2020 jyly shaıqasta qaza tapqan, al kelesi jyly taǵy júzdegen bala kóz jumǵan.
Qaýipsizdik keńesine bergen baıandamasynda sarapshylar kóterilisshiler áli de balalardy óz qataryna qosyp, ózderiniń ıdeologıasyn taratý úshin jazǵy lagerler men meshitterdi paıdalanyp jatqanyn aıtty.
Mamandar Saýd Arabıasy basqaratyn kúshterdiń kóterilisshilerge jasaǵan áýe soqqylarynyń saldarynan áli de kóptegen beıbit turǵyn qaza taýyp jatqanyn málimdedi.
2015 jyly bastalǵan soǵysta 10 myńnan astam bala kóz jumǵan.
On myńdaǵan eresek adam soǵysta óldi, mıllıondaǵan adam bosqynǵa ushyrady jáne asharshylyq qaýpinde tur.
300 betten turatyn baıandamada komısıa 2020 jyly urys dalasynda qaza tapqan 1406 balanyń jáne kelesi jyldyń qańtar-mamyr aılary aralyǵynda kóz jumǵan 562 balanyń tizimin alǵanyn jarıalady. Olardy hýsıtter áskerge alǵan.
Pikir qaldyrý