Qazaqstan Ulttyq bankiniń jańa tóraǵasy qyzmetine eki úmitker qarastyrylýda. Qazir Qarjy naryǵyn retteý jáne damytý agenttiginiń basshysy Mádına Ábilqasymova men Ulttyq bank tóraǵasynyń orynbasary Aqyljan Baımaǵambetovtiń kandıdatýrasy qaralyp jatyr. Bul týraly KazTAG caıty málimdedi.

Aqparatta Ulttyq bank qyzmetkerleri ózin jaqsy jaǵynan kórsete bilgen Baımaǵambetovke kóbirek basymdyq berip otyrǵany aıtylady.

Mádına Ábilqasymova 2019 jyldyń jeltoqsan aıynan beri Qarjy naryǵyn retteý jáne damytý agenttiginiń basshysy qyzmetin atqaryp keledi. Oǵan deıin ol Ulttyq bank tóraǵasynyń orynbasary, Ulttyq ekonomıka vıse-mınıstri laýazymynda bolǵan. Alaıda atalǵan qyzmette 25 kún jumys istegen. Onyń aldynda Eńbek jáne halyqty áleýmettik qorǵaý mınıstri qyzmetin atqarǵan.

Aqyljan Baımaǵambetov 2019 jyldyń jeltoqsanynan Ulttyq bank tóraǵasynyń orynbasary. Oǵan deıin Ulttyq bank Ulttyq ınvestısıalyq korporasıasynyń basqarma tóraǵasy, Dırektorlar keńesiniń múshesi boldy. Sonymen qatar ol birneshe jyldar boıy Qazaqstan qor bırjasy (KASE) Dırektorlar keńesiniń múshesi bolǵan.

Aıta keteıik, Ulttyq bank tóraǵasy qyzmetin atqarǵan Erbolat Dosaev búgin Almaty qalasynyń ákimi qyzmetine taǵaıyndalǵany habarlandy.