Prezıdent Qasym-Jomart Toqaev Qazaqstan memlekettik hatshysynyń ókilettigine ózgerister engizdi.

Toqaevtyń 25 qańtardaǵy №787 jarlyǵyna sáıkes, memlekettik hatshy tómendegi ókilettikterdi júzege asyrady:

• İshki saıasat salasynda prezıdentke strategıalyq usynystar ázirleıdi;
• saıası qýǵyn-súrgin qurbandaryn tolyq aqtaý jónindegi memlekettik komısıanyń, ulttyq qoǵamdyq senim keńesiniń jáne jastar saıasaty jónindegi keńestiń qyzmetin úılestiredi;
• Prezıdent janyndaǵy Qazaqstan strategıalyq zertteýler ınstıtýtynyń qyzmetin qadaǵalaıdy;
• "Táýelsizdik urpaqtary" grantyn taǵaıyndaý jónindegi jumysty úılestiredi.

Sonymen qatar, memlekettik hatshy:

• memleket basshysynyń tapsyrmasy boıynsha parlamentpen, saıası partıalarmen, qoǵamdyq birlestiktermen qarym-qatynasta jáne halyqaralyq qatynastarda onyń atynan ókildik etedi;
• memleket basshysy janyndaǵy konsýltatıvtik-keńesshi organdardyń, áleýmettik-gýmanıtarlyq sala máseleleri jónindegi qyzmetin úılestiredi.
• qoǵamdyq damý salasyndaǵy memlekettik taldaý qurylymdarynyń jumysyn úılestiredi;
• prezıdenttiń tapsyrmalaryna sáıkes ózge de ókilettikterdi júzege asyrady.

Erlan Qarın 5 qańtarda memlekettik hatshy qyzmetine taǵaıyndalǵan bolatyn. Oǵan deıin ol prezıdent kómekshisi, keńesshisi bolǵan.