Erjan Babaqumarov Almaty qalasy ákiminiń orynbasary laýazymynan bosatyldy. Bul týraly NEHabar telegram kanaly habarlady.

Atalǵan qyzmetke ol 2019 jyldyń shildesinde taǵaıyndalǵan.

Babaqumarov Erjan Jalbaquly 1969 jyly 2 naýryzda Taldyqorǵan oblysynda týǵan. 1991 jyly Ál-Farabı atyndaǵy QazUÝ "saıasat tarıhynyń oqytýshysy" mamandyǵy boıynsha bitirgen.

Ár jyldary Qazaqstan damý ınstıtýtynda, Almaty qalasy ákim apparatynda, prezıdent ákimshiliginde, mádenıet jáne aqparat mınıstrliginde, premer-mınıstr keńsesinde istegen.

2012-2016 jyldary prezıdent janyndaǵy ortalyq komýnıkasıalar qyzmetiniń dırektory, 2019 jyly prezıdent Qasym-Jomart Toqaevtyń keńesshisi bolǵan.

Ol Almatynyń eks-ákimi Baqytjan Saǵyntaevtyń orynbasary bola júrip, ıdologıa salasyna jaýapty bolǵan.

Keshe Baqytjan Saǵyntaev qyzmetinen ketip, onyń ornyna Almaty qalasynyń ákimi bolyp Erbolat Dosaev taǵaıyndalǵan.