Reseı Ýkraınamen shektesetin tusqa júz myńǵa jýyq áskerin ornalastyrǵanyna baılanysty AQSH bastamasymen BUU qaýipsizdik keńesiniń otyrys ótti.

Otyrys barysynda Reseı men AQSH ókilderi sózge kelip qaldy.

AQSH ókili Lında Tomas-Grınfıld jaǵdaıdy Eýropanyń ondaǵan jyldardaǵy eń úlken daǵdarysy ekenin aıtty.

Reseı ókili AQSH-ty "arandatty" jáne "Reseıdiń isine aralasty" dep aıyptady.

AQSH pen Ulybrıtanıa Reseı Ýkraınaǵa basyp kiretin bolsa, taǵy da sanksıa salýǵa ýáde etti.

Buǵan deıin Reseı Ýkraına shekarasyna 100 myńǵa jýyq ásker, tank, artılerıa men zymyrandardy ornalastyrǵan.

Aragidik dıplomatıalyq kelisimge kelýge umtylystar da jalǵasýda.

Seısenbi kúni keshte AQSH Memlekettik hatshysy Antonı Blınken men Reseı Syrtqy ister mınıstri Sergeı Lavrov kelissózder ótkizedi dep kútilýde.

Ýkraına daǵdarysyna baılanysty batys elderi men Reseı arasyndaǵy shıelenis qalaı órbip jatyr: 

• "Reseı Ýkraınaǵa basyp kirý úshin syltaý daıyndap jatyr" dep habarlady Ál-Jazıra telearnasy.
• "Reseı Ýkraınaǵa basyp kirýi múmkin" degen qaýip kúsheıgen kezde AQSH-tyń Memlekettik hatshysy Entonı Blınken Eýropaǵa bardy. 
• "Barlyq nusqa tys qalmaıdy. Dıplomatıalyq nusqa da". AQSH memhatshysy Eýropaǵa nege bara jatyr?
• Djo Baıden Reseı Ýkraınaǵa shabýyl jasasa, Máskeýdi "apat" kútip turǵanyn eskertti.
• AQSH barlaý agentteri Reseı Ýkraınaǵa qashan shabýyldaýy múmkin ekenin jarıalady.
• Reseı soǵys ushaqtary Kıevke jaqyn Belarýs eline jınaldy.
• Aǵylshyn saıasatkeri Reseı Ýkraınaǵa basyp kiretini sózsiz ekenin jáne shabýyl jaqyn arada bolatynyn málimdedi.
• AQSH, Ulybrıtanıa Ýkraınaǵa qarý-jaraq jiberip jatyr.
• Danıa, Ispanıa, Fransıa jáne Nıderlandy Shyǵys Eýropaǵa joıǵysh ushaqtar men áskerı kemeler jiberýde.
• Reseı yqtımal shabýyl týraly aqparattardy joqqa shyǵardy.
• Germanıa qazirge Ýkraınaǵa qarý-jaraq bermeıtinin aıtty biraq medısınalyq kómek kórsetetinin jarıalady.
• Eki jaq (Batys-Reseı) soǵysqa daıyndyqpen qosa, dıplomatıalyq kelisimge kelýge tyrysýda.
• Fransıa men Germanıa Reseıdi dıalogqa shaqyrdy.
• Reseı, Ýkraına, Germanıa jáne Fransıa dıplomattary kelissóz júrgizdi.
• Batys elderi Ýkraınaǵa shabýyl jasalsa, zardaby aýyr bolatynyn málimdedi.
• AQSH óz azamattaryn Ýkraınadan shyǵyp ketýge shaqyrdy.
• "Biz qalaı bolsa da daıynbyz". NATO Reseıdiń talabyn toıtardy.
• Baıden: Bul – ekinshi dúnıejúzilik soǵystan keıingi eń iri shabýyl bolýy múmkin. 
• Baıden Reseıdiń Ýkraınaǵa qashan shabýyl jasaıtynyn aıtty.

• Vashıngton Reseı qubyryn jaýyp, BUU qaýipsizdik keńesiniń otyrysyn ótkizetinin jarıalady.