Soltústikte jáne ortalyqta qar jamylǵysynda jınaqtalǵan ylǵal qordyń kólemi sý tasqynyna soqtyrýy múmkin. Mundaı boljamdy Qazgıdromet mamandary aıtyp otyr.

Qazgıdromet málimetinshe Aqmola, Qaraǵandy jáne Qostanaı oblystarynda topyraq qabaty betiniń ústine muz qabyǵy japqan. Bul temperatýralyq fonnyń kúrt joǵarylsa nemese qatty jańbyr jaýsa sý tasqynynyń týyndaýyna ákep soǵýy yqtımal.

Qazaqstannyń jazyq ózenderi baseınderindegi qar jamylǵysyndaǵy sý qory úlken árkelkilikpen sıpattalady:

♦Qaraǵandy oblysynda ortasha kóp jyldyq mánderden 33-51%-ǵa tómen;

♦ Aqmola oblysynda ortasha kóp jyldyq mánderden 25%-ǵa joǵary;

♦ Soltústik Qazaqstan jáne Atyraý oblystarynda ortasha kóp jyldyq mán sheginde;

♦Qostanaı oblysynda Tobyl, Aıat jáne Toǵyzaq ózenderiniń baseınderinde ortasha kóp jyldyq mánderden 30-44%-ǵa tómen.