Qazgıdromet aqpan aıyna arnalǵan aýa raıy boljamyn jarıalady.

Aqpanda eldiń basym bóliginde aýanyń ortasha temperatýrasy klımattyq normadan 1-2° joǵary bolady dep kútilýde, bul Iran men Orta Azıa aýdandarynan jyly aýa massalarynyń shyǵarylýyna baılanysty bolady.

Shyǵysta Taımyr men Shyǵys Sibir aýdandarynan sýyq antısıklonnyń yqpal etýine baılanysty aýa temperatýrasy klımattyq norma shamasynda bolady.

Aqpan aıynda jaýyn-shashyn mólsheri respýblıkanyń basym bóliginde norma shamasynda, al Qazaqstannyń batysynda, ońtústik, ońtústik-shyǵys jáne shyǵys aýmaqtardyń taýly jáne taý bókterli óńirlerinde normadan kóp, Mańǵystaý men Qyzylorda oblystarynda jáne Aqtóbe oblysynyń qıyr ońtústiginde normadan az boljanady.

"Birinshi onkúndiktiń basynda Sibir antısıklonynan Qazaqstannyń basym bóliginde aıazdy jáne kóbinese az jaýyn-shashyndy aýa raıy bolady, al respýblıkanyń batysynda Batys jáne Ońtústik sıklondardyń yqpalymen jaýyn-shashyn (jańbyr, qar), jeldiń 15-20 m/s deıin kúsheıýi, tuman jáne kóktaıǵaq qubylystary kútiledi. Sıklonnyń soltústik-shyǵys baǵytta aýysýymen respýblıkanyń qalǵan aýmaǵynda da jaýyn-shashyndy jáne jeldi aýa raıy kútiledi.

Aqpannyń birinshi onkúndiginiń birinshi jartysynda ońtústik men batysta kúndizgi aýa temperatýrasynyń joǵarylaýy kútiledi.

Birinshi onkúndiktiń ortasynda eldiń soltústiginde jáne ortalyǵynda túnde -10-20°S-tan -5-13°S-qa deıin, kúndiz -5-15°S-tan 0,-8°S-qa deıin aıazdyń álsireýi boljanady.

Onkúndiktiń sońynda respýblıkanyń shyǵysynda temperatýra fony túnde -18-23°S-tan -12-17°S-qa deıin, soltústik-shyǵysta -28-33°S-tan -20°S-qa deıin, kúndiz -10-15°S-tan -5-10°S-qa deıin joǵarylaıdy.

Ekinshi jáne úshinshi onkúndikterde aýyspaly barıkalyq túzilimderi áser etýine baılanysty aýa raıynyń turaqsyz sıpaty kútiledi: jaýyn-shashyn (jańbyr, qar), ekpindi jel, eldiń soltústik-batys jartysy men batysynda burqasyn, ońtústiginde jekelegen kúnderi shańdy daýyl kútiledi.

Shyǵys Sibir aýdandarynan sýyq antısıklonnyń áserinen jekelegen kúnderi temperatýralyq fon tómendeıdi dep kútiledi:

- batysta jáne soltústik-batysta túnde -12-22°S-qa deıin, kúndiz -3-10°S-qa deıin;

- elimizdiń soltústik jartysynda túnde -20-35°S-qa deıin, kúndiz -13-18°S-qa deıin;

- ońtústik jartysynda túnde -8-15°S-qa deıin, kúndiz -5+3°S-qa deıin.

Iran men Orta Azıa aýdandarynan jyly aýa massalarynyń shyǵarylýyna baılanysty aqpannyń ekinshi jáne úshinshi onkúndikterdiń keı kúnderi temperatýralyq fon joǵarylaıdy dep boljanady:

- batysta túnde -5+1°S-qa deıin, kúndiz +2+8°S-qa deıin;

- soltústik-batysta, soltústikte, ortalyqta jáne shyǵysta túnde -3-10°S-qa deıin, kúndiz -6+3°S-qa deıin;

- ońtústikte, ońtústik-shyǵysta jáne ońtústik-batysta túnde -5+5°S deıin, kúndiz +5+12°S deıin.