Jańaózen qalasynyń jumyssyz turǵyndary máselege nazar aýdarýdy surap prezıdent Qasym-Jomart Toqaevqa úndeý joldady. Olar óz úndeýinde jergilikti bılikke senim artpaıtyndaryn jetkizgen.

"Biz, Jańaózen qalasynyń bir top jumyssyz turǵyndarymyz. Qalada jumyssyzdyq máselesi áli kúnge deıin sheshilgen joq. Jańaózen qalasy ákimdiginiń 2020 jyly usynǵan tizim-sqemanyń ádil oryndalyp jatqanyna senimsizdik bildiremiz. Sonymen qatar, munaı-gaz salasyndaǵy barlyq jumyssyz azamattardy turaqty jumysqa ornalastyrýdy talap etemiz" delingen úndeýde.

Jańaózendikter Toqaevqa talap qoıǵan jıyn Nur-Sultan ýaqytymen saǵat 12.00-de ótti. Qazirgi ýaqytta kóshege shyqqandardyń bir bóligi ketip qalsa, bir bóligi áli de qalalyq ákimdik mańynda tur.