Búgin májilis spıkeri Erlan Qoshanovtyń tóraǵalyǵymen palata búrosy ótti.

​Otyrysty ashqan májilis tóraǵasy depýtattardyń saılaýshylarmen kezdesýi úshin óńirlerge saparǵa shyǵýy týraly aıtty.

​Alda turǵan jumystyń mańyzdyǵyna toqtalǵan Erlan Qoshanov óńirlerge saparlar jańartylǵan formatta uıymdastyrylýy tıis ekenin alǵa tartyp, depýtattar ózderi jaqsy biletin, eń bastysy, ózderin qabyldaıtyn jáne maqsatty aýdıtorıasy bar aımaqtarǵa barýy kerektigin jáne halyqpen kezdesýleri tek oblys ortalyqtary men iri qalalarda ǵana emes, aýyldyq jerlerde de ótkizilýi qajettiligin atap ótti.

​Sondaı-aq májilis tóraǵasy depýtattardyń basty nazarynda, memleket basshysy  Qasym-Jomart Toqaevtyń jańa bastamalary, onyń ishinde, jýyq arada ǵana ótken qaıǵyly oqıǵalar saldarynan eldegi áleýmettik-ekonomıkalyq jaǵdaıdy turaqtandyrý týraly bolatynyn aıtty.

​Odan ári májilistiń bıýro otyrysy barysynda depýtattar talqylaýyna quqyq qorǵaý qyzmetin ótkerý tártibin jetildirý máseleleri boıynsha ózgerister men tolyqtyrýlar engizý týraly zań jobasyn I oqylymda qaraý usynyldy.    

Jumys barysynda depýtattar birqatartúzetýler engizdi. Atap aıtqanda, quqyq qorǵaý qyzmetkerleriniń eńbegine aqy tóleý, olardyń áleýmettik jáne quqyqtyq qorǵalýyn arttyrý, sondaı-aq, zeınetaqymen qamtamasyz etýge, quqyq qorǵaý organdary qyzmetkerleriniń turǵyn úı qatynastaryn retteý erekshelikterine qatysty máseleler qarastyrylǵan.

​Sonymen qatar búro otyrysynda májilis tóraǵasy Erlan Qoshanov palata apparatynyń jańa basshysy Renat Qurmetjanuly Aıtaevty tanystyrdy.

Ol buǵan deıin Qazaqstan Respýblıkasy ákimshilik basshysy hatshylyǵynyń meńgerýshisi qyzmetin atqarǵan. 

Májilistiń baspasóz qyzmeti