Qytaıda ómir boıyna bas bostandyǵynan aıyrylǵan Aqjarqyn Turlybaıdyń jazasy bıyl qaıta qaralýy múmkin. Bul týraly onyń advokaty Suńqar Nurmaǵambetov áleýmettik jelidegi paraqshasynda málimdedi.
Zańgerdiń aıtýynsha, qazir Aqjarqyn Turlybaı turaqty túrde otbasymen habarlasyp, hat almasyp turady, kerek-jaraǵyn satyp alýǵa da múmkindigi bar.
Sondaı-aq ol Aqjarqynnyń elge qashan oralýy múmkin ekenin aıtty.
– Sottalǵan Qazaqstan azamattaryn elge qaıtarý máselesi ekijaqty kelisimniń aıasynda retteledi. Mundaı kelisim barlyq memleketterde joq. Ómir boıyna bas bostandyǵynan aıyrý jazasyn bas bostandyǵynan aıyrýǵa qaıta qaraý týraly sheshim Turlybaıdy elge qaıtarýǵa tikeleı septigin tıgizedi. Qazaqstannyń bas prokýratýrasyna sottalǵan azamatty qaıtarý týraly qoldaýhat jiberý kerek. Ony 2016 jyldyń sáýirinde joldap qoıdyq. Mańyzdy másele, bıyl jaza qaıta qaralýy múmkin. Esterińizge sala keteıin, 2019 jyldyń qyrkúıeginde Toqaev Qytaıdy izgilik tanytyp, Aqjarqyndy elge qaıtarýǵa járdemdesýge shaqyrdy, – dedi Suńqar Nurmaǵambetov.
Sotta Aqjarqyn sheteldik dosy aldap ketkenin aıtyp, kinásin moıyndamaǵan. 2016 jyly sot sheshimi joıylyp, is qaıta qaraýǵa jiberildi. Araǵa 3 jyl salyp, 2019 jyldyń 27 jeltoqsanynda Gýanchjoý soty úkim shyǵardy. Alaıda jaza ózgerissiz qaldy.
2019 jyly qyrkúıekte prezıdent Qasym-Jomart Toqaev Qytaıǵa sapary kezinde izgilik tanytyp, Aqjarqyndy Otanyna qaıtarýǵa járdemdesýge shaqyrdy.
Pikir qaldyrý