Reseı men Qytaı NATO-nyń odan ári keńeıýine qarsy turý úshin tize qosty.

Beıjińdegi qysqy olımpıada oıyndary kezinde Qytaı men Reseıdiń kóptegen máseleler boıynsha kelisimderin kórsetetin málimdeme jarıalandy.

Pýtın "Batys derjavalary Reseıdi kúıretý úshin NATO odaǵyn paıdalanyp jatyr" dep málimdedi.

Reseı Ýkraınamen shekarada 100 myńǵa jýyq sarbazyn ornalastyrǵan. Orystar men ýkraındardy "bir ult" degen Pýtın Ýkraınanyń NATO-ǵa kirýine tyıym salýdy talap etti.

Kreml "óte jaqsy" dep málimdegen kelissózder oıyndardyń ashylý saltanaty qarsańynda ótti. Bul kóshbasshylardyń pandemıa bastalǵaly beri birinshi ret betpe-bet kezdesýi.

"[Reseı men Qytaı] arasyndaǵy dostyqtyń shegi joq" delingen habarlamada.

Eki el AQSH, Ulybrıtanıa jáne Avstralıa arasyndaǵy Aýkýs qaýipsizdik paktisine "qatty alańdaýshylyq" bildirdi.

Máskeý sonymen qatar Beıjińniń "Bir Qytaı" saıasatyn qoldaıtynyn málimdedi.

Degenmen, Taıvan ózin konstıtýsıasy jáne demokratıalyq jolmen saılanǵan kóshbasshylary bar táýelsiz el retinde sanaıdy.

AQSH sársenbide "Reseı Ýkraınaǵa shabýyl jasaý úshin ýkraınderdiń jalǵan shabýylyn josparlap otyr" dep aıyptady.

Reseı shabýyl jasaýdy josparlap otyrǵanyn joqqa shyǵardy, al AQSH bul málimdemeni rastaıtyn dálelder keltirmedi.