Saıası belsendiligi úshin qýǵyndalyp, birneshe jyl Ýkraınada bas saýǵalaǵan. Qazaqstan soty "Alaýyzdyqty qozdyrdy" dep bas bostandyǵyn 3 jylǵa shektegen Ermek Narymbaev Almaty áýejaıynda ustaldy.

"Ol izdeýde júrgen. Aıta keteıik, Narymbaev Qylmystyq kodekstiń 174-baby (Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý) boıynsha ustalǵan bolatyn" delingen qalalyq prokýratýra habarlamasynda.

Qazirgi ýaqytta Narymbaev tergeý ızolátoryna qamalǵan.

Ermek Narymbaı 2015 jylǵy 12 qazanda ustalǵan bolatyn. Oǵan áleýmettik jelide ulttyq ar-namysty qorlaý, ultarazdyqty qozdyrý baǵytyndaǵy aqparatty taratty degen aıyp taǵylǵan. Belsendi Serikjan Mámbetalın ekeýi artynsha áreketine "ókinetini" týraly hat jazǵan. Ermek Narymbaı tergeý ızolátorynda bir aıdan astam ýaqyt ashtyq jarıalap, 2016 jylǵy 22 aqpanda sot ony úı qamaqqa aýystyrý týraly sheshim shyǵarǵan. Keıin apelásıa soty onyń jazasyn 3 jyl merzimge erkindigin shekteý jazasyna aýystyrǵan. 2016 jylǵy shildede Ermek Narymbaı quzyrly organdarǵa eskertpesten Ýkraınaǵa ketip qalǵan. Ol sodan beri Ýkraınada turyp keldi. 

Belsendi qańtardyń 23-i kúni áleýmettik jelide elge oralatynyn, bılikpen dıalog ornatqysy keletinin habarlaǵan.