AQSH sheneýnikteriniń aqparatyna sáıkes, Reseı aldaǵy aptalarda Ýkraınaǵa shabýyl jasaý úshin qajetti áskerı áleýettiń 70%-ǵa jýyǵyn daıyndady. Bul týraly BBC habarlady.  

Aty atalmaǵan sheneýnikter aqpannyń ortasynan bastap Máskeý kóbirek aýyr tehnıka ákelýi múmkin ekenin aıtady.

Reseı Ýkraına shekarasyna jaqyn jerde 100 myńnan astam ásker ornalastyrǵan, alaıda Máskeý shabýyl jasaýdy josparlap otyrǵanyn joqqa shyǵarady.

AQSH sheneýnikteri ózderiniń aıyptaýlaryna dálel keltirgen joq.

"Olar bul aqparat barlaý qyzmetiniń baǵalaýyna negizdelgenin, biraq onyń sezimtaldyǵyna baılanysty egjeı-tegjeıli málimet bere almaıtyndaryn aıtty" dep habarlady Reuters aqparattyq agenttigi.

Aty-jónin atamaýdy suraǵan AQSH-tyń eki sheneýnigi Reuters aqparat agenttigine bergen suhbaty boıynsha, aýa-raıy jaǵdaılary Reseıge 15 aqpan men naýryz aıynyń sońyna deıin aýyr tehnıkalardy jetkizýine eń jaqsy múmkindik beredi.

Sheneýnikter Reseıdiń Ýkraınaǵa basyp kirýi 50 myńǵa jýyq beıbit turǵynnyń ólimine ákelýi yqtımal ekenin eskertti. Olar sondaı-aq shabýyl bolsa, Ýkraına astanasy Kıev birneshe kún ishinde qırap, mıllıondaǵan adam jan saýǵalap, Eýropada bosqyndar daǵdarysyn týdyrýy múmkin dep oılaıdy.

NATO-nyń aımaqtaǵy kúshterin nyǵaıtý úshin Polshaǵa qosymsha AQSH áskerleri keldi.

Birinshi top senbi kúni eldiń ońtústik-shyǵysyndaǵy Jeshov qalasyna qondy. Baıden ákimshiligi birneshe kún buryn Shyǵys Eýropaǵa 3 myńǵa jýyq qosymsha ásker jiberetinin málimdedi.

Máskeý óz áskerleri shekara mańyna áskerı jattyǵýlar ótkizý úshin kelgenin aıtady, biraq Ýkraına men onyń batystyq odaqtastary Kreml shabýyl jasaýdy josparlap otyr dep alańdaýly.

Reseı Ýkraınanyń NATO-ǵa kirýine jol bermeý kerektigin alǵa tartyp otyr.

Áli kúnge deıin álemdegi eń iri ıadrolyq arsenaldarǵa ıe Reseı men AQSH arasyndaǵy teketires qyrǵı-qabaq soǵystan bastaý alǵan. 

Ýkraına daǵdarysyna baılanysty batys elderi men Reseı arasyndaǵy shıelenis qalaı órbip jatyr: 

• "Reseı Ýkraınaǵa basyp kirý úshin syltaý daıyndap jatyr" dep habarlady Ál-Jazıra telearnasy.
• "Reseı Ýkraınaǵa basyp kirýi múmkin" degen qaýip kúsheıgen kezde AQSH-tyń Memlekettik hatshysy Entonı Blınken Eýropaǵa bardy. 
• "Barlyq nusqa tys qalmaıdy. Dıplomatıalyq nusqa da". AQSH memhatshysy Eýropaǵa nege bara jatyr?
• Djo Baıden Reseı Ýkraınaǵa shabýyl jasasa, Máskeýdi "apat" kútip turǵanyn eskertti.
• AQSH barlaý agentteri Reseı Ýkraınaǵa qashan shabýyldaýy múmkin ekenin jarıalady.
• Reseı soǵys ushaqtary Kıevke jaqyn Belarýs eline jınaldy.
• Aǵylshyn saıasatkeri Reseı Ýkraınaǵa basyp kiretini sózsiz ekenin jáne shabýyl jaqyn arada bolatynyn málimdedi.
• AQSH, Ulybrıtanıa Ýkraınaǵa qarý-jaraq jiberip jatyr.
• Danıa, Ispanıa, Fransıa jáne Nıderlandy Shyǵys Eýropaǵa joıǵysh ushaqtar men áskerı kemeler jiberýde.
• Reseı yqtımal shabýyl týraly aqparattardy joqqa shyǵardy.
• Germanıa qazirge Ýkraınaǵa qarý-jaraq bermeıtinin aıtty biraq medısınalyq kómek kórsetetinin jarıalady.
• Eki jaq (Batys-Reseı) soǵysqa daıyndyqpen qosa, dıplomatıalyq kelisimge kelýge tyrysýda.
• Fransıa men Germanıa Reseıdi dıalogqa shaqyrdy.
• Reseı, Ýkraına, Germanıa jáne Fransıa dıplomattary kelissóz júrgizdi.
• Batys elderi Ýkraınaǵa shabýyl jasalsa, zardaby aýyr bolatynyn málimdedi.
• AQSH óz azamattaryn Ýkraınadan shyǵyp ketýge shaqyrdy.
• "Biz qalaı bolsa da daıynbyz". NATO Reseıdiń talabyn toıtardy.
• Baıden: Bul – ekinshi dúnıejúzilik soǵystan keıingi eń iri shabýyl bolýy múmkin. 
• Baıden Reseıdiń Ýkraınaǵa qashan shabýyl jasaıtynyn aıtty.

• Vashıngton Reseı qubyryn jaýyp, BUU qaýipsizdik keńesiniń otyrysyn ótkizetinin jarıalady.

• BUU qaýipsizdik keńesiniń otyrysy barysynda Reseı men AQSH ókilderi sózge kelip qaldy.
• Reseı ókili Kıevtiń "óz túbine ózi jetetinin" aıtty.
• Vashıngton men Máskeý arasyndaǵy kelissózder shıelenisti báseńdete almady.
• AQSH Eýropaǵa kóbirek ásker jiberetinin jarıalady.
• Reseı Vashıngtonnyń Eýropaǵa kóbirek ásker jiberý sheshimin aıyptady.