Indýstrıa jáne ınfraqurylymdyq damý mınıstrligi 2022 jyly eldiń qorǵanys ónerkásibinde birqatar perspektıvalyq jobalar iske asyrylatyny týraly habarlady.
"№ 405 avıajóndeý zaýyty" AQ bazasynda Mı-171Sh tikushaqtaryn qurastyrý, "Qazaqstandyq avıasıalyq ındýstrıa" JSHS kásipornynda Airbus ushaqtaryna qyzmet kórsetetin servıstik ortalyq qurý; "Petropavl aýyr mashına jasaý zaýyty" AQ bazasynda memlekettik shekarany qorǵaýdyń tehnıkalyq quraldaryn óndirý, "Tynys" AQ, "Alma MÚ" JSHS, "Mılıtarm" JSHS kásiporyndarynda radıasıalyq jáne hımıalyq qorǵaý quraldary óndirisin jolǵa qoıý josparlanǵan. Sonymen qatar, "Semeı ınjınırıń" AQ bazasynda bronetanktik tehnıkany jańǵyrtý; "Steelmanufacturing" JSHS avtomatty oq-dáriler óndirý, "Qazaqstan Paramaýnt ınjınırıń" JSHS-de "Barys 8h8" saýytty dóńgelekti mashınalar óndirisin, "Tynys" AQ bazasynda AK-12 jáne AK-15 avtomattary óndirisin iske qosý kózdelip otyr" delingen habarlamada.
Sondaı-aq mınıstrlik eldiń qorǵanys-ónerkásip kesheni qalyptasý jolynan ótip, búgingi tańda áskerı salany ǵana emes, azamattyq sektordy da túrli ónimdermen qamtamasyz etýip jatqanyn habarlaǵan.
Pikir qaldyrý