"Qazaq kuresi" asosıasıasy quryltaıshylarynyń kezekti jalpy jınalysy qorytyndysy boıynsha asosıasıa prezıdenti laýazymyna QR Sport jáne dene shynyqtyrý isteri komıtetiniń tóraǵasy Samat Serikqanuly Erǵalıev taǵaıyndaldy. Bul týraly qaýymdastyqtyń instagram paraqshasynda habarlandy.
Samat Erǵalıev erkin kúresten sport sheberi. "Eren eńbegi úshin" medali, "Dene shynyqtyrý jáne sport salasyn damytýǵa qosqan úlesi úshin" tósbelgisimen jáne prezıdenttiń "Ulttyq sportty damytýǵa qosqan úlesi úshin" alǵys hattarymen marapattalǵan.
Qaýymdastyq 2020 jylǵy qańtarda Respýblıkalyq qazaq kúresi federasıasy birlestigi, Halyqaralyq qazaq kúresi federasıasy men Búkilálemdik qazaq kúresi federasıasy birigýiniń nátıjesinde qurylǵan.
Oǵan sol kezde UQK tóraǵasy bolyp turǵan Kárim Másimov tóraǵalyq etken. Másimov qazirgi ýaqytta "otanǵa opasyzdyq jasady" degen kúdikpen tergelip jatyr.
Qazaq kuresi qaýymdastyǵy ulttyq sportty respýblıkalyq, halyqaralyq arenada damytyp, ony olımpıada baǵdarlamasyna qosýdy kózdeıdi.
Pikir qaldyrý