Shyǵys Qazaqstan oblysy ákimshiligine qarasty "TAZA Óskemen" memlekettik mekemesi ótken jyldyń sońynda jalpy quny 30 mln 57 myń 600 teńge turatyn 6 modýldik dárethana satyp alǵan. Bul týraly Ádildik joly Respýblıkalyq qoǵamdyq birlestiginiń dırektory Dıdar Smaǵulov málim etti.
Jalpy somany 6-ǵa bólgende ár dárethananyń quny 5 mln 416 myń 320 teńge bolyp shyǵady. Dıdar Smaǵulov mundaı baǵaǵa Óskemen qalasynan bir bólmei páter salyp alýǵa bolatynyn aıtady.
Sózinshe, dárethanalarǵa ýnıtaz qoıylmaǵan. Tek edendegi tesik sekildi Genýıa kesesheleri ornatylǵan. Onyń ózi bireý ǵana.
"Saraptama birneshe orynǵa shaqtalǵan mundaı konstrýksıalar 2 mln teńge turatynyn kórsetip otyr. Al bizdiń jaǵdaıymyzda bir oryndyq kabınalar satyp alynǵan. Krysha saıtynan Óskemennen 1 bólmeli jaqsy páterdi 5 jarym mıllıonǵa tabýǵa bolaıynyn eskersek, bul satyp alý naǵyz mazap bolyp tur" deıdi Ádildik joly Respýblıkalyq qoǵamdyq birlestiginiń dırektory facebook paraqshasynda.
Pikir qaldyrý