Almaty qalasynyń burynǵy ákimi Baqytjan Saǵyntaevtyń orynbasary bolǵan Erjan Babaqumarov prezıdent janyndaǵy Ortalyq komýnıkasıalar qyzmetiniń dırektory bolyp taǵaıyndaldy. Jarlyq Aqorda saıtynda jarıalandy.

Munyń aldynda atalǵan qyzmette Rýslan Álishev boldy.

Erjan Babaqumarov 1969 jyly 2 naýryzda dúnıege kelgen. 1991 jyly Ál-Farabı atyndaǵy Qazaq memlekettik ýnıversıtetin "saıasat tarıhynyń oqytýshysy" mamandyǵy boıynsha bitirgen.

Ár jyldary jyldary Qazaqstan damý ınstıtýtynyń saıası zertteýler ortalyǵynyń ishki saıasat bólimi meńgerýshisi, dırektory, Almaty qalasy ákim apparatynyń bas mamany, prezıdenti ákimshiliginiń áleýmettik-saıası bóliminiń bas ınspektory, prezıdent ákimshiliginiń aǵa referenti, keńesshisi, sektor meńgerýshisi, ishki saıasat bólimi meńgerýshisiniń orynbasary, mádenıet jáne aqparat, mádenıet, aqparat jáne sport vıse-mınıstri, mádenıet jáne aqparat mınıstrliginiń jaýapty hatshysy, prezıdent janyndaǵy ortalyq komýnıkasıalar qyzmetiniń dırektory, premer-mınıstr keńsesi meńgerýshisiniń orynbasary, prezıdent Qasym-Jomart Toqaevtyń keńesshisi qyzmetterin atqarǵan.

2019 jylǵy 5 shildeden bastap Almaty qalasy ákiminiń orynbasary bolǵan. Ideologıa salasyna jetekshilik etken.