Fransıa prezıdenti Emmanýel Makron jýrnalıserge Máskeýdiń Ýkraına daǵdarysyn odan ári ýshyqtyrmaıtynyn aıtqanyn málimdedi.
Makron Máskeýde Reseı prezıdenti Vladımır Pýtınmen júrgizgen alty saǵattyq kelissózderden keıin Ýkraına astanasy Kıevke barǵan.
Ýkraına prezıdenti Vladımır Zelenskıımen ótken baspasóz máslıhatynda Makron Reseı men Ýkraına arasyndaǵy kelissózderdi alǵa jyljytýǵa múmkindik bar ekenin jáne shıelenisti azaıtýdyń naqty sheshimderin kóre alatynyn aıtty.
"Jaǵdaıdyń nasharlaýy nemese shıelenisýi bolmaıtynyna kepildik bar" dedi Makron.
Degenmen, Kremldiń baspasóz hatshysy Dmıtrıı Peskov "qazirgi jaǵdaıda Máskeý men Parıj eshqandaı kelisimge kele almaıtynyn" aıtty.
Sodan keıin Makron Berlınge ushyp ketti. Onda ol Germanıa jáne Polsha basshylarymen birge Ýkraınanyń egemendigin qoldaıtynyn bildirdi.
Kóshbasshylar "Veımar úshburyshy" tobynyń samıti aıasynda Eýropanyń qazirgi kezdegi qıyndyqtaryn talqylamaq. "Veımar úshburyshy" 31 jyl buryn "qyrǵı-qabaq soǵys" aıaqtalǵannan keıin qurylǵan.
Fransıa prezıdenti barlyq taraptardy sabyrly bolýǵa shaqyrdy. Makronnyń sózinshe, Pýtın de, Zelenskıı de oǵan 2014 jylǵy bitimgershilik kelisiminiń prınsıpterin ustanatyndaryn aıtqan. Makron "Mınsk kelisimderi" dep atalatyn bul kelisim olardyń jalǵasyp jatqan daýlaryn sheshýge jol usynatynyn jetkizdi.
Pýtın Makronnyń keıbir usynystary "budan ári birlesken qadamdarǵa negiz bola alady" dedi, biraq tolyq kelisim týraly aıtýǵa áli erte ekenin de eskertti.
Qazirgi ýaqytta Ýkraınanyń soltústik shekarasy mańynda Reseı men Belarýstiń birlesken áskerı jattyǵýlary ótizýge daıyndalyp jatyr. Fransýz sheneýnikteriniń jýrnalıserge bergen aqparaty boıynsha, Máskeý áskerı jattyǵý aıaqtalǵan soń orys áskerin Belarýsten shyǵarýǵa kelisken.
Ýkraına daǵdarysyna baılanysty batys elderi men Reseı arasyndaǵy shıelenis qalaı órbip jatyr:
- "Reseı Ýkraınaǵa basyp kirý úshin syltaý daıyndap jatyr" dep habarlady Ál-Jazıra telearnasy.
- "Reseı Ýkraınaǵa basyp kirýi múmkin" degen qaýip kúsheıgen kezde AQSH-tyń Memlekettik hatshysy Entonı Blınken Eýropaǵa bardy.
- "Barlyq nusqa tys qalmaıdy. Dıplomatıalyq nusqa da". AQSH memhatshysy Eýropaǵa nege bara jatyr?
- Djo Baıden Reseı Ýkraınaǵa shabýyl jasasa, Máskeýdi "apat" kútip turǵanyn eskertti.
- AQSH barlaý agentteri Reseı Ýkraınaǵa qashan shabýyldaýy múmkin ekenin jarıalady.
- Reseı soǵys ushaqtary Kıevke jaqyn Belarýs eline jınaldy.
- Aǵylshyn saıasatkeri Reseı Ýkraınaǵa basyp kiretini sózsiz ekenin jáne shabýyl jaqyn arada bolatynyn málimdedi.
- AQSH, Ulybrıtanıa Ýkraınaǵa qarý-jaraq jiberip jatyr.
- Danıa, Ispanıa, Fransıa jáne Nıderlandy Shyǵys Eýropaǵa joıǵysh ushaqtar men áskerı kemeler jiberýde.
- Reseı yqtımal shabýyl týraly aqparattardy joqqa shyǵardy.
- Germanıa qazirge Ýkraınaǵa qarý-jaraq bermeıtinin aıtty biraq medısınalyq kómek kórsetetinin jarıalady.
- Eki jaq (Batys-Reseı) soǵysqa daıyndyqpen qosa, dıplomatıalyq kelisimge kelýge tyrysýda.
- Fransıa men Germanıa Reseıdi dıalogqa shaqyrdy.
- Reseı, Ýkraına, Germanıa jáne Fransıa dıplomattary kelissóz júrgizdi.
- Batys elderi Ýkraınaǵa shabýyl jasalsa, zardaby aýyr bolatynyn málimdedi.
- AQSH óz azamattaryn Ýkraınadan shyǵyp ketýge shaqyrdy.
- "Biz qalaı bolsa da daıynbyz". NATO Reseıdiń talabyn toıtardy.
- Baıden: Bul – ekinshi dúnıejúzilik soǵystan keıingi eń iri shabýyl bolýy múmkin.
- Baıden Reseıdiń Ýkraınaǵa qashan shabýyl jasaıtynyn aıtty.
-
Vashıngton Reseı qubyryn jaýyp, BUU qaýipsizdik keńesiniń otyrysyn ótkizetinin jarıalady.
- BUU qaýipsizdik keńesiniń otyrysy barysynda Reseı men AQSH ókilderi sózge kelip qaldy.
- Reseı ókili Kıevtiń "óz túbine ózi jetetinin" aıtty.
- Vashıngton men Máskeý arasyndaǵy kelissózder shıelenisti báseńdete almady.
- AQSH Eýropaǵa kóbirek ásker jiberetinin jarıalady.
- Reseı Vashıngtonnyń Eýropaǵa kóbirek ásker jiberý sheshimin aıyptady.
- AQSH: Reseı Ýkraınaǵa basyp kirýge 70% daıyn. Kıev birneshe kúnde qıraıdy.
-
Fransıa prezıdenti: Reseımen soǵyssyz kelisimge kele alamyz.
- AQSH pen Germanıa Reseıdi qalaı "jazalaýǵa" kelisti.
-
Ulybrıtanıa sanksıalardy qoldaıtynyn bildirdi.
-
Seısenbide Ulybrıtanıa premer-mınıstri Borıs Djonson The Times gazetinde Ulybrıtanıanyń aımaqqa Koróldik áýe kúshteriniń joıǵyshtary men Koróldik teńiz flotynyń áskerı kemelerin ornalastyrý múmkindigin qarastyryp jatqanyn aıtty.
-
Eýropa: Eń qaýipti sátte turmyz
- Makron shıelenisti báseńdetýge kepildik bar ekenin málimdedi.
Pikir qaldyrý