Saıasatker, belsendi Janbolat Mamaı men saıasatker, kásipker Bolat Ábilov adam shyǵynyna ulasqan qańtar oqıǵasynyń 40 kúndigine oraı 13 qańtar kúni saǵat 12:00-de Almatydaǵy Respýblıka alańyna beıbit mıtıńke shyǵýǵa, sol arqyly qaza tapqandardy eske alýǵa shaqyrdy.

Mundaı bastamany birinshi bolyp Janbolat Mamaı kóterdi. Ol 13 aqpan kúni qańtar oqıǵasy qurbandarynyń 40 kúndigi qarsańynda bozdaqtardy eske alyp, "atqan, asqan, azaptaǵan azǵyndardy sottaýdy talap etemiz" dedi.

Bolat Ábilov te beıbıt mıtıń ony retinde Respýblıka alańyn belgilep, qaıtys bolǵandardy eske alý – azamattyq paryz ekenin jetkizdi.

Qańtar oqıǵasy kezinde resmı derek boıynsha 227 adam qaza tapqan. Bılik olardyń ishinde 19 adam kúsh qurylymdarynyń qyzmetkeri ekenin jarıalady. Qaıtys bolǵan ózge adamdardyń tulǵasyn ashyp aıtpaı otyr. Bas prokýratýra tergeý qupıalylyǵyna baılanysty. qaza tapqan azamattardyń aty-jóni jarıalanbaıtynyn málim etti. Quqyqqorǵaýshy Baqytjan Tóreǵojına bastamashyl bolǵan Qantar2022 eriktiler toby qańtar tragedıasy kezinde qaıtys bolǵan 173 adamnyń aty-jónin anyqtaǵan.