Almaty qalasy Polısıa departamenti bastyǵynyń tergeý boıynsha orynbasary Rýstam Ábdirahmanov vaıner, akter Azımjan Saılbaevke izdeý jarıalanǵanyn habarlady.
"Qylmystyq kodekstiń 217-baby 3-bóligi 2-pýnkti (Qarjylyq (ınvestısıalyq) pıramıdany qurý jáne oǵan basshylyq etý: asa iri mólsherde aqshany nemese ózge múlikti tarta otyryp jasalǵan) boıynsha qylmys jasady dep kúdikke ilingen 30.09.1986 jyly týǵan Qyrǵyzstan Respýblıkasynyń týmasy Saılbaev Azımjan Álimjanulyna izdeý jarıalandy.
Bultartpaý sharasy: kúzetpeý qamaý.
İzdeýdegi azamat týraly biletinderdi +7 701 758 67 60, +7 708 683 94 33 jáne 8 (727) 254 43 51 telefondaryna habarlasýyn suraımyn" delingen Rýstam Ábdirahmanovtyń instagram-daǵy jazbasynda.
Keshe qazaqstandyq úsh belgili akter-vaınerler Meıirjan Tórebaev, Meıirjan Shernıazov, Azımjan Saıdbaev qarjy pıramıdasyna jetekshilik etti degen kúdikke ilingeni habarlanǵan.
Áleýmettik jeli juldyzdary qylmystyq kodekstiń 217-baby 3-bóligi 2-pýnkti (Qarjylyq (ınvestısıalyq) pıramıdany qurý jáne oǵan basshylyq etý: asa iri mólsherde aqshany nemese ózge múlikti tarta otyryp jasalǵan) boıynsha aıyptalǵan.
Kúdikti Tórebaev pen Shernıazov 1000 AEK mólsherinde (3 063 000 tenge) kepil ótep, bosatylsa, Saıdbaevty polısıa áli tappaǵan.
