Jaqsybekov fýtbol federasıasyndaǵy qyzmetinen ketti

/image/2022/02/11/crop-82_159_833x1481_6205ec185debe.jpg

"Qazaqstan Fýtbol federasıasy" qaýymdastyǵy" zańdy tulǵalar birlestigi saılaý komıtetiniń jıyny ótip, federasıa prezıdenttigine úmitkerlerdiń tizimi tirkeldi. Bul týraly fýtbol federasıasynyń baspasóz qyzmeti habarlady.

Tizimde federasıanyń osy kúnge deıingi basshysy bolǵan Ádilbek Jaqsybekovtyń kandıdatýrasy joq. Ol saılaýǵa qatysýdan bas tartqan.

Jaqsybekov arnaıy úndeýinde federasıanyń kóptegen músheleri ózin qoldap otyrǵanyna qaramastan, prezıdent ornyn bosatý týraly sheshim qabyldaǵanyn jetkizgen.

Jıyn qorytyndysy boıynsha aldaǵy saılaýǵa tómendegideı úmitkerler tirkeldi:

Barmenqulov Ádilet Nazarbaıuly – QFF Atqarý komıtetiniń múshesi, "Qazaqstan Fýtbol federasıasy» qaýymdastyǵy" ZTB prezıdentiniń keńesshisi;

Jarylqasynov Erlan Erkinbekuly – "Qazaqstan áýesqoı fýtbol lıgasy" QB tóraǵasy;

Qanıev Berik Seralyuly – QFF Atqarý komıtetiniń múshesi, "Lancaster Group Kazakhstan" AQ dırektorlar keńesiniń tóraǵasy;

Lorıa Davıd Grıgorevıch – "Nur-Sultan qalasynyń Fýtbol federasıasy" qaýymdastyǵy» ZTB prezıdenti;

Orazbekov Qaırat Aıtmoldauly – QFF Atqarý komıtetiniń múshesi, "Qaırat" AFK prezıdenti;

Saılaý 2022 jylǵy 28 aqpanda QFF konferensıasynda ótedi.

Jaqsybekov federasıany 2007 jyldan beri basqarǵan.

Ol ár jyldary bılikte kóptegen joǵary laýazymdy qyzmetter atqarǵan. 20 jyldan astam ýaqyt eks-prezıdent Nursultan Nazarbaevtyń mańynda qyzmet etti. El astanasyn eki ret, prezıdent ákimshiligin eki ret basqarǵan. Indýstrıa jáne saýda, Qorǵanys mınıstri, memlekettik hatshy bolǵan.

2017 jyly 63 jasqa tolǵan kezinde N.Nazarbaev onyń ókilettigin 2022 jylǵa deıin sozǵan. Alaıda 2018 jylǵy qyrkúıekte zeınetke shyqqan.

"Sesna Korporasıasy" AQ dırektorlar keńesiniń, "QazTransGaz" AQ dırektorlar keńesiniń tóraǵasy bolǵan.

Jaqsybekov fýtbol federasıasyndaǵy qyzmetinen ketti

Qatysty tegter :

Pikir qaldyrý

Qatysty Maqalalar