Qazaqstannyń eks-prezıdenti Nursultan Nazarbaevtyń qyzy Darıǵa Nazarbaevanyń májilis depýtatty retindegi ókiletin toqtatyp, onyń dereý otstavkaǵa ketýin talap etken petısıa iske qosyldy.

"Elbasynyń úlken qyzy Darıǵa Nazarbaevanyń otstavkaǵa ketýi múmkin degen másele kópten beri kún tártibinde turǵan, biraq Nazarbaeva Ortalyq saılaý komısıasyna resmı ótinish bergen joq. Kómekshisiniń aıtýynsha, ol koronavırýspen aýyrǵannan keıin eńbek demalysynda. Keıbir aqparat kózderi onyń Dýbaıda ekenin aıtty. Darıǵa Nazarbaevanyń otstavkaǵa ketýin talap etemiz!" delingen petısıada.

Darıǵa Nazarbaeva qańtardaǵy halyq narazylyǵynan beri májilistegi jıyndarǵa kelgen joq. Qańtardyń basynan beri kópshilik aldyna da shyqpady. Resmı aqparat boıynsha ol aqysyz demalysta. Koronavırýs juqtyryp, Almatydaǵy úıinde emdelip jatyr. Beıresmı aqparattardy ol Dýbaıda ekeni aıtylady. Ol 28 qańtarda "Nur Otan" partıasy saıası keńesi quramynan shyǵarylǵan.

10 qańtarda depýtat Aıdos Sarym Darıǵa Nazarbaeva óz erkimen ótinish jazyp, otstavkaǵa ketýi kerek ekenin aıtqan.