Ásem Núsipova basqa jumysqa aýysýyna baılanysty Qazaqstannyń densaýlyq saqtaý vıse-mınıstri qyzmetinen bosatyldy. Bul týraly premer-mınıstrdiń baspasóz qyzmeti habarlady.

Ásem Núsipova 1975 jyly Almaty qalasynda dúnıege kelgen. 1996 jyly Ál-Farabı atyndaǵy Qazaq memlekettik ulttyq ýnıversıtetin, 1998 jyly osy ýnıversıtette magıstratýrany bitirgen.

2001-2003 jyldary – qaýipsizdik keńesiniń ekonomıkalyq qaýipsizdik máseleleri jónindegi bóliminiń bas sarapshysy, QR prezıdenti ákimshiliginiń júıeli zertteýler ortalyǵynyń sarapshysy, sektor meńgerýshisi.

2003-2007 jyldary – QR qarjy mınıstriniń keńesshisi, premer-mınıstrdiń keńesshisi, premer-mınıstr keńsesiniń qorytyndy saraptaý bóliminiń meńgerýshisi bolyp jumys istedi.

2007-2008 jyldary – densaýlyq saqtaý vıse-mınıstri.

2008-2016 jyldary – "QazTransOıl" AQ bas dırektorynyń ekonomıka jáne qarjy jónindegi orynbasary.

2016-2019 jyldary – Shyǵys Qazaqstan oblysy ákiminiń orynbasary.

2020 jyldyń qazanynan bastap qazirgi ýaqytqa deıin densaýlyq saqtaý vıse-mınıstri qyzmetin atqarǵan.